Perque dies aliquos caelo delabitur imber
et uix destituunt mittere nubila aquas.
Post siccas rursus tres Iuppiter irrigat horas,
ut pluuiae superent prata uiasque graues.
De clivis altis delabitur umida terra,
seque solo subito tecta mouente ruunt,
Iam tumida artantes excedant flumina ripas
undaque, quidquid habet ripa, citata rapit,
Imbribus assiduis lacubus modo redditur humor,
ut sine aqua uelox non moriatur esox.
Qua iam sicca palus fuit, unda tumescit ut ante,
et reduces latices tranare gaudet anas.