Per Rufam Plateam me dux Natalia ducit,
stragula quam lapsae condidit alba niuis.
Et mihi dulce placet nomen faciesque puellae
et placet ipsa mihi tota puella magis.
Magna sepulcra ducis monstrans mihi multa renarrat,
dum per inane sequor tempore eunte forum.
Quid mihi, non curo, mea dux de praeside dicat,
cum placeat flaua sola puella coma.
[secundum uerba cantici "Nathalie", quod Gilbertus Becaud cecinit]