von Tiberis » Do 27. Jan 2022, 19:18
Eheu, quid est, cur perseveret huic Marcus
afferre quantosvis foro Latinistas ?
Cottidie nobis virum novum praebet,
qui de Latinitate promereretur,
seu natus est, seu forte cessit e vita.
Sed digniores arbitror viros esse
vel feminas, quos hic decet recordari.
Silentio non praeterire debemus,
qui gloriam sibi paraverit quandam,
seu musica valebat arte seu scriptor
erat bonus vel architectus illustris
vel civitatem qui regebat in terris.
Non sufficit nostrae favere doctrinae.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis