Tiberis cum sodalibus tum moderatoribus s.p.d.
quadraginta fere dies in "foro translationum" nihil legimus nisi verba nesciocuius Ampelii a Cultore, qui dicitur, plus minusve bene Theodisce reddita. quamquam ius quidlibet scribendi nemini negare velim, eam rem tamen minime probo. nonne timendum est, ne advenae vel tirones, qui iam rarissimi in foris nostris inveniuntur, hoc modo prohibeantur, quominus quicquam scribant vel quaerant, quod proferre ipsorum interest? videndum esse censeo, ne hoc quoque forum - sicut fit in foro "reliquarum disputationum" - veluti ab uno obtineatur ulla varietate omissa.