salvete sodales iucundissimi,
gratias vobis ago pro responsis tam utilibus quam facetis.
nulla igitur certa lega alia adiectiva in "-ensis", alia in "-iensis" cadere videntur. esto!
![Smile :-)](./images/smilies/i23.gif)
@Consus:
sunt - imprimis inter Pinipolitanos ipsos -, qui nomen oppidi sui quam a "föhre" a tructa ("forelle") ductum esse malint - ut "Tructipolitani" potius sint appellandi. cui opinioni quaedam profestrix mea glottologiae quondam astipulatast - nescio tamen num firmioribus argumentis freta an temere ...
@Zythophilus:
bene testimonia ex Orbe illo Latino attulisti. quem iam ipse aliquando, ut Forchemii mei nomen Latinum discerem, inspexi - sed nescio quo modo id tum non repperi.
(vellem scire, utrum in "Forchena" primane syllaba an paenultima acuenda esset ...)
vicus meus - prope Tructipolin situs - vocatur "Hausen". quam "Husam" Latine appellare soleo - quoniam ea nomina, quae in "-hausen" desinerent, Latine saepe in "-husa" desinere ex eodam Orbe olim didici. vos autem quid sentitis? sumusne cives Husenses appellandi - an Husienses ... an Husani?
@Consus: an tu nomen aliquod vere Latinum mihi propones?
bene valete.