Exinterator toti gregi salutem:
Cum commentarium legerem de vita M. A. Barbadici ab A. Volpini compositum, offendi locum quo is ait Corneti (hodie Tarquiniae) Barbadicum episcopum auctorem fuisse aliquot presbyteris se congregandi in societate canonica iuxta institutum Barptolomaei Szer, qui tum temporis (ineunte saeculo decimo octavo) in multis Germaniae partibus, proposita societate vitae, multos sacerdotes ad veterum morum consuetudinem revocaverit. Velim me adiuvetis, vosque interrogo quinam fuerit Barptolomaeus Szer, quandoquidem eius nomen latinum nusquam inveniri potest, at fortasse in Germania clariori fama nitet. Gratias in antecessum. Valete