LATINITAS VIVA

[ThomasVulpius]

Salvete, sapientes!

Si quem adhortamur, ut bono animo sit, prohibereque studemus, ne is animum demittat, Germanice dicimus: "Jemanden bei Laune halten".

Quomodo haec elocutio dicatur Latine, velim scire!

Bene valete neque expavescatis araneas per conclavia vestra currentîs!

Thomas vester

[consus]

Forsitan liceat dicere:

aliquem hilarum conservare

[ille ego qui]

iam gaudebam quod mihi liceret tua, Conse, verba emendare ... nequiquam!
sed quid est melius quam aliquid addiscere (velut pro "hilaris" etiam "hilarus" dici licere)

vale.

[Laptop]

Linguae italicae idioma est „tenere qualcuno di buonumore“. At litterae, quibus testatur hoc idioma Latina ortum esse, reperire neqeo.

[Zythophilus]

Vehementer dubito, num origo eius sententiae Latina sit, nam apud ueteres "humor" id non significauit.

[ThomasVulpius]

Earum elocutionem, quae praepositae sunt, mea ipius maxime ideona esse videtur.

Sed valde deleo, quod erravi: Nam in sententiâ secundiariâ, quae verbum prohibendi sequitur, coniunctiones ne aut quominus adhibendae sunt.

Thomas vester, qui ipse se nequitiae inertiaeque condemnat.

[ThomasVulpius]

Thomas Vulpius rerum stilisticarum expertis s.p.d.

Infantes trunculis ligneis ludere solent, qui Bauklötzchen Germanice dicuntur.

Quo modo hae res Latine dicuntur?

Bene valete et cavete, ne vobis in viis ambulantibus incarnatio sīve descensio Indorum deae mortis obviam fiat, quae dea Kali-Durga Sanscritice nominatur.

[Tiberis]

Sed valde deleo, quod erravi: Nam in sententiâ secundiariâ, quae verbum prohibendi sequitur, coniunctiones ne aut quominus adhibendae sunt.

Thomas vester, qui ipse se nequitiae inertiaeque condemnat.

non est causa, cur de hoc mendo te excuses, praesertim cum nemo fere nostrum sit, quin umquam erret. ceterum errorem tuum verbis mutandis ex oculis nostris auferre tibi licuit .

[ThomasVulpius]

Thomas Vulpius expertis s.p.d.

A statione televisificâ, quae PRO 7 vocatur, series regni Tudorum emittitur.

Puella pulcherrima atque gracillima partes Catharinae Howard agit.

Ea diem noctemque nihil nisi concubitum cogitat, id quod "Blondes Dummerchen" Germanice vocatur.

Sed "Stultula flava" non bene sonat.

Cui vestrum melioris verbi in mentem venit?

Bene valete et expavescite draconem gigantêum nomine Godzillam, qui omnes Germaniae officînas nucleârias comesurus est!

Thomas vester

[ille ego qui]

haec verba nescio annon nimium ab re abhorrent:
- lapilli
- calculi
- tali
tu quid iudicas, qui scis verborum contextum?

[ThomasVulpius]

Thomas Vulpius sodalibus Latine scientibus s.p.d.

Cognoscere velim, quomodo uno vel duobus verbis spiritus malus, qui domum devastet, Latine nominetur, id quod "Poltergeist" Germanice dîcitur.

Nisi vos aliquid aptum proposueritis, eâ circumscripione, quam supra nominavi, utar: "spiritus malus, qui domum devastat".

Bene valete et fugate blattas, qui placentas in mensis vestris iacentîs devorant.

Thomas vester

[ThomasVulpius]

Thomas sodalibus s.p.d.

Illud verbum "Charakterlosigkeit" certe apud Ciceronem est et aliquo modo circumscribitur eodem modo ut "Charisma": Ei oratori splendor animi est - Dieser Redner besitzt Charisma.

Quis vestrum aptam Ciceronis circumscriptionem illius verbi "Charakterlosigkeit" ad manum habet?

Bene valete et cavete, ne liberi vestri a smilodonte praedatore ("Säbelzahntiger") devorentur!

Thomas vester

[Laptop]

Salve. Nescio an tibi in ea re auxilium ferre possim. In primis mihi intelligendum est quod dicere vis eo verbo. Sive „in seinen Grundsätzen schwankend“ ponam vocem „infirmitas animi“. Sive „Charakterfehler“ fortasse „morum vitium“. Sive „ohne Persönlichkeit, Individualität, Eigenart, Profil“ fortasse „proprietatis animi expers“.

Cf. Georges: «– b) vom Charakter, haltlos, animus, charakterlos, Sall.: animi fluxioris esse, von etwas lockeren Grundsätzen, Suet.: fluxioris fidei (homo), Amm. – m. Genet., fluxa morum gens, Sil. 4, 50.»

[ille ego qui]

nescio an inconstantiae quoque vox apta sit. sed verborum contextum respiciendum esse rectissime monuit Laptopius. valeas!

[Brakbekl]

Dictum "blondes Dummerchen" tautologiam esse mihi videtur. Quero, cur flava stupidicula non te in animo venisse.