Sunt quīdam, quī, quod helvellīs sōlīs vēscuntur, "*Vēgānī" vocantur. Sed eī rēāpse (cf. MMB 65) ἀνθρωποφάγοι sunt, cum aliēnigenās extrāmundānōs ā stēllā *Vēgā oriundōs comēsse soleant.
Magnō igitur in perīculō, nē dēvorentur, eī aliēnigenae extrāmundānī versantur, quī ab hāc stēllā, quae circiter (cf. MBS § 145) vīgintī quīnque annōrum lūcis ā mundō nostrō abest, profectī hūc sē contulērunt.
Utrum hoc commentāriolum per rīdiculum an sevērē (cf. MMB 106) cōnscrīpserim, nēmō scit nisī astronomus.