Catullusne adulter fuerit, quaeritur ;-)

[ille ego qui]

salvete sodales,
scio equidem Catullum Lesbiam amavisse de eaque scripsisse ante Legem Iuliam ab Augusto latam, tamen mecum ipse quaero, quis fuerit illius amoris status.
didici adulterium esse cum muliere ingenua nupta, stuprum cum muliere ingenua innupta.
primum autem quaerendum mihi videtur, num Catullus in carminibus suis rem cum Lesbia habuerit (da mi basia mille eqs.) an tantummodo id impetrare studuerit? idne ex aliquibus locis sine dubio elucet?
deinde fac ut Lesbia, quod multi (etsi non omnes) credunt, eadem sit, quae Clodia illa Metelli, de qua etiam Cicero acerbe agit.
illa certe ingenua fuit, Catullus igitur sine dubio, nisi quidem eam in matrimonium ducere parabat, eam saltem stuprare cogitabat (aut vere stupravit).
postremo: scimusne forte num illa Clodia tum, cum Catullus ei studebat, nupta iam fuerit? fortasse etiam ex carminibus ipsis aliquid de hac re cognosci potest .........?
bene valete!

[ille ego qui]

ad hanc quaestionem adductus sum eo, quod verissimorum poetarum elegiacorum Romanorum puellas sive, ut rectius dicam, dominas semper libertinas fuisse aiunt, quibuscum rem habuisse neque pro adulterio neque pro stupro habitum sit.
obiter: idne etiam tum valet, cum libertina alicui viro nupsit? :-O

[durgicola]

cynthia nupta erat: sublata lege Iulia (de maritandis ordinibus) enim qua cautum erat ne quis equitum caelebs maneret pudicitiae servandae et liberorum procreandorum causa (licet reapse lex numquam abrogata fuerit) gavisus est propertius. Cur inquies? Non poterat Propetius caelebs sibi caelibem Cynthiam ducere? (constat enim propertium caelibem fuisse) Ergo videtur Cyntia maritum habuisse. legesis VII, 2 VII, 2