Abhinc ... annos

[marcus03]

Georgus Otto Augustus Wissowa philologus Theodiscus nascitur in oppido Novi Fori in Silesia sito.
Obiit a.d. V Kal. Mai anno MCMXXXI Hallae.
Philologiam docuit Marburgi et Hallae. Imprimis in religione Romana investiganda versatus est.
Innotuit opere, quod Religio et Cultus Romanorum inscribitur.

https://de.wikipedia.org/wiki/Georg_Wissowa

[marcus03]

Iacobus Paulus McCartney musicus, canticulorum compositor, cantor, pictor, pellicularum
confector, auctor librorum pueris et puellis dedicatorum, animalium iurium defensor nascitur Liverpoli.
Cum uxore prima, Linda, gregem WINGS condidit grege BEATLES anno MCMLXX dissoluto.
Illa decessit ante XXV annos.

Annis prioribus putabam quemque, qui aliquid ageret miri, esse mirum.
Nunc scio illos esse miros, qui alios appellent miros.

Si confectoriis essent parietes e vitro facti, homo quisque carne careret.

Postremo amor, quam sumis, idem est ac amor, quem facis.

Animo est forti quicumque hastam non abicit.

https://www.youtube.com/watch?v=Plhtk_XJqhM

[marcus03]

Ioannes Moser scaenarius popularis Austriacus obit Vindobonae.
Natus est a.d.VIII Id. Aug. anno MDCCCLXXX.

Primo homo spes vanas amittit, tum dentes, postremo vitia sua.

Fatum nostrum ex eo pendet, quod animus noster sequi constituit.

Ars desinit ars esse, cum nihil iam est nisi iucunda. Artis est nos delectare et concutere.

Paenitentia ad irritum cadit, cum in eadam condicione denuo idem agimus.

Iudicia pleraque plus produnt de iudicante quam de iudicato.

Saepe cuidam dicimus: Utinam hoc prius fecisses!
Si quidem hoc prius fecisset, eum irrisissemus.

Si alter rixari non vult, duo non possunt rixari.

https://de.wikipedia.org/wiki/Hans_Moser

[Zythophilus]

Vincitur Hunnorum rex barbarus Attila pugna,

sed rura aggrediens mox tua, Roma, petit.

[marcus03]

Eugen Drewermann theologus, psychoanalyticus scriptorque nascitur in oppido Bergkamen in
Rhenania Septentrionalis-Vestfalia sito.
Optime meruit de fide cum scientia coniugenda.

Iesu euangelium non erat hoc: Nolite ad genua mea procumbere! Meo more proficiscimini!

Id, quod maxime metuimus, saepe est, quod maxime speramus.

Fabulae genus litterarum est ultimum, quod nos ad credendum abducit amori esse facultatem,
ut fiat in terris.

Quamdiu homines animalia occidere non desinunt, tamdiu bella non desinent gerere.

In ecclesia inveniuntur metus, culpa,sacrificia, sed opus sunt fides, fieri, qui sumus, liberatio.

https://de.wikipedia.org/wiki/Eugen_Drewermann

[Tiberis]

Frustra quae monuit populos : « discedite ab armis ! »,

Berta a Suttner obit non humilis mulier.

[medicus]

Imperator Caesar Vespasianus Augustus Aquis Cutiliis obiit.

[Tiberis]

Incluta quae fuerat cantrix acceptaque plebi

voce sua insolita, Zarah Leander obit.

[marcus03]

Bello Punico secundo imperator Carthaginensis Hannibal duos exercitus Romanorum devincit
ad lacum Trasumenum, quam rem Livium et Polybium retulisse constat.
Non inventi sunt fontes Punici comparandi causa.


.

[Zythophilus]

Latum pulchra lacum qua nympha colebat Agylle,

Hannibali Aeneadas desuperare licet.

[medicus]

E.T.A. Hoffmann, scriptor, iurista,componista,praefectus musicus, descriptor obiit.

[marcus03]

Willard Van Orman Quine philosphus et logicus Americanus nascitur Bostoniae.
Obiit a.d. VIII Kal. Ian. anno MM ibidem.
Inter gravissimos est philosophos, qui ad philosophiam analyticam pertinent et naturalismum philosophicum.
Versatus est in theoria cognitionis, linguarum philosophia, scientiae theoria, logica, ontologia.
Inter eos erat, qui illum circulum Vindobonensem reprehenserunt, id studens, ut empirismum
logicum elementis liberaret dogmaticis.

Fortasse timeo, ne sint plus rerum mea in philosophia quam in caelo et terra.

Necessitas in ratione posita est, qua de rebus loquamur, nec in rebus, de quibus loquimur.

Logica veritatem agitat adversum arborem

https://de.wikipedia.org/wiki/Willard_Van_Orman_Quine

[Tiberis]

Quid sit tyrannis saeva, Georgius
ostendit Orwell (editus hoc die)

libris suis, cum de recenti et

omnipotente monet tyranno.

[marcus03]

Pearl S.(ydenstricker) Buck scriptrix Americana nascitur in oppido Hillsboro in Virginia occidentali sito.
Decessit prid. Non. Mart. anno MCMLXXIII.
Anno MCMXXXVIII litterarum praemio Nobeliano affecta est operibus biographicis de
vita agricolarum Sericorum rurali compositis. Annis VI ante ei praemium Pulitzerianum attribitum erat
libro scripto, qui TERRA BONA inscribitur.

Qui non amantur pueri et puellae, adulti fiunt, qui non ament ipsi.

Sunt, qui lacunas relinquant, quibus substituantur ipsi.

Morbi omnium periculossimi etiamnunc sunt hi: odium, invidia, avaritia

Tempus sistatur non licet, sed amoris causa interdum ultro subsistit.

Virtutes magnae hominem reddunt admirabilem, amabilem parva vitia.

Vera vivendi ars in eo posita est, ut in rebus cottidianis cognoscamus miracula.

Qui alios reddere vult bonos, eos imprimis beatos reddat opus est.

Desperare est praesentibus proditis futura prodere

.


https://de.wikipedia.org/wiki/Pearl_S._Buck

[marcus03]

Helen Adams Keller scriptrix et surda et caeca Americana nascitur in oppido Tuscambiae in Alabama sito.
Obiit Kal. Iun. anno MCMLXVIII in
Scriptura Brailleana usa didicit linguam et Francogallicam et Theodiscam et Latinam et Graecam.

Cum amico in caligine ambulare mallem quam in luce sola .

Res omnium optimae, quae inveniuntur in terra, nec videantur nec audiantur licet.
Quas corde sentiri opus est.

Nemo est, qui frustra vivat, si aliorum onus reddere studeat leviorem.

Lacrimas profundebam, cum mihi non essent calcei, quoad offenderem, cui non erant pedes.

Me tum maxime ama, cum minine digna sum amore. Amore enim maxime indigeo eo tempore.

Indulgentia caput est summi momenti societatis cuiusque; mentis est habitus, quae cogitata omnium
optima recipiat.

Optime eruditus est, qui plurimum intellegat vitae, in qua est positus.

Alteris inter se aliquid fieri non posse dicentibus alteri id ipsum perfecerunt.

Si verum est violinam esse instrumentum musicum omnium perfectissimum,
lingua Graeca violina est cogitationis humanae.

https://de.wikipedia.org/wiki/Helen_Keller