Gregorius Mendel monachus abbasque monasterii Sancti Thomae Brunae siti experimentorum exitum suorum de initiis hereditariis profert,quae indagaverat in pisis colendis. Decessit LXI annos natus a.d. VIII Id. Ian., die Domini epiphaniae, anno MDCCCLXXXIV.
Gerhardus Iudex pictor, sculptor photographicusque Theodiscus natus est Dresdae. Habitat Coloniae ex XL fere annis. Cuius res familiaris DCC centena milia euronum facere aestimatur. Locum obtinet duocentesimum tricesimum Germanorum divitissimorum. Cuius opera inter ea esse constat, quae his diebus summo pretio veniant.
Alexander Sergejewitsch Puschkin scriptor poetaque nationis Russicae XXXVII tantum annos natus obiit Petropoli certamine singulari graviter vulneratus ac confectus.
Nelson Mandela e custodia dimissus est LXXII annos natus. XXVII annos libertate caruerat. Decessit anno MMXIII in patria a malo generum segregationis liberata.
Spectaculum FORIS ANTE PORTAS primum editur fabula radiophonica. Cuius auctor, Wolfgangus Borchert, scriptor Hammonensis, a.d. II Kal. Dec. eiusdem anni decessit XXVI tantum annos natus. In scaenam fabula primum delata est die post auctoris mortem Hammoniae.