Abhinc ... annos

[marcus03]

Philologus Fredericus Augustus Grotefend natus est.
Qui librum linguae Latinae grammaticum voluminum duorum composuit.
Annos XXXVII tantum natus decessit Gottingae. Fuit nepos illius Georgi Frederici Grotefende,
qui scripturam ex cuneis compositam interpretatus est.

[Tiberis]

Belli ius valet inde apud Polonos,
Et collegium ab hoc die fabrorum,
quod dictum est Solidaritas, vetatur.

[marcus03]

Philosophus Austriacus Rudolfus Eisler decessit Vindobonae.
Qui opus voluminum trium notionum philosophicarum edidit, quo philosophus Ioachim Ritter
usus est fundamento dictionarii philosophici voluminum XII.

[marcus03]

Componista Wolfgangus Amadeus Mozart se Ordini Liberorum Muratorum applicat.

[mystica]

.

[consus]

Rete pervagatus hoc repperi:
Vormatiae anno aetatis nostrae MCCXXXIV vir vixit cui nomen erat Herbordus Raparius.

[ille ego qui]

De isto aliquid cognoscere difficile videtur, o Conse!

[ille ego qui]

aha…
https://tr.m.wikipedia.org/wiki/General_Harbord_Rapord


https://www.heraldrysinstitute.com/amp/ ... dc/736617/
…

hmmm…

„vixit“ = perfectum egressivum?

[Tiberis]

Post bellum utrumque civitati praeerat
Karl Renner, in lucem quem hic edidit dies.

[ille ego qui]

Post bellum utrumque civitati praeerat
Karl Renner, in lucem quem hic edidit dies.

Iuste facis, o amice, quod de isto (!) Cárolo nos admones. Suspicor in civitate vestra nunc temporis paulo frequentius de eo agi quam in Germania mea.

praeerat

ansa arrepta modo paulo diligentius inquisivi, semperne "prae"-fixum illud ante vocalem subsequentem corriperetur (quod adhuc putavi) - an tantummodo saepe. nunc scio: saepe, sed non semper!
si quis vult, consideret mecum hosce locos:

https://latin.packhum.org/search?q=+pra ... D%5BLuc%5D
https://latin.packhum.org/search?q=+pra ... D%5BLuc%5D

hic "prae-" syllaba servatur longa (sicut Tiberis noster suo iure fecit):
https://latin.packhum.org/search?q=+pra ... D%5BLuc%5D

per synizesin:
https://latin.packhum.org/search?q=+pra ... D%5BLuc%5D

mollis ac dulcis sit vobis nox!

[ille ego qui]

saepe, fateor, dubium est, utrum "prae" corripiatur an synizesis fiat. ubi mihi nescioquomodo correptio magis arridet.
hoc tamen loco certa et manifesta est correptio:

Publius Ovidius Naso, Epicedion Drusi [sp.] 408
Lucifer in toto nulli comparuit orbe
Et venit stella non praeeunte dies:
Sideris hoc obitum terris instare monebat

[marcus03]

Nero Claudius Caesar Augustus Germanicus natus est Antii.
Aetate annorum tantum XVI imperare coepit imperaturus annos XIV.
Annos tantum XXXI vixit causis ex non ignotis.

[marcus03]

Philologus paedagogusque Ioannis Tobia Cancer natus est. Decessit anno MDCCLXXXII Grimmae,
quo in oppido scholae a Duce Mauritio Saxonensi institutae praefuerat annos XIX.

https://de.wikipedia.org/wiki/Johann_To ... tphilologe)

[marcus03]

Roma a Gothis orientalibus duce Totila recuperata antiquitas finem sumere coepit.
Tum regio maris mediterranei peste vexabatur. Res oeconomicae se male habere coeperunt
et hominum vita cum iis.

[medicus]

Ludwig van Beethoven natus est.