Abhinc ... annos

[Zythophilus]

Magnus Londinium uastans extinguitur ignis

uersaque pars urbis maxima clade iacet

.

[marcus03]

Heimito von Doderer, scriptor et lyricus Austriacus nascitur
Franciscus Carolus Heimito Doderer prope Vindobonam.
Obiit a.d. X Kal. Ian. anno MCMLXVI Vindobonae.
Innotuit fabulis in urbibus magnis collocatis et scriptis narrativis. ("Die Strudlhofstiege").
Qui erat litterarum persona, quae Theodisce GALIONSFIGUR, ab anno MCML ad annum fere MCLXV in Austria.

https://www.google.de/search?q=heimito+ ... &sa=X&ved=

[marcus03]

Bruno Bauer theologus, philosophus, historicus bibliaeque criticus nascitur in "Monte Ferreo"
in Thuringia sito hodierna.
Obiit Id. Apr. anno MDCCCLXXXII Berolini.
Qui sibi persuasuit Iesum Christum vixisse probari non posse. Evangelia oriunda fuisse ex quadam
conscientia religiosa fundamento historico carente.
Inter eos est, qui bibliam ratione historica-critica criticissime inquisiverunt.
Ne epistulas apostoli Pauli quidem vera et sincera esse iudicavit.
Se applicavit gregi, qui "Linkshegelianer" appellari solent, ab anno MDCCCXL.

https://www.google.de/search?q=bruno+ba ... &sa=X&ved=

https://de.wikipedia.org/wiki/Bruno_Bauer

[Zythophilus]

Occidit Eugenius pugna superatus ab hoste,

undas qua fluuius Frigidus ire iubet.

Qui fuit Augustus, fuerat grammaticus ante,

sed minime potuit sceptra tenere miser.

[marcus03]

Catharina Parr, Henrici VIII regis famosi uxor sexta et ultima, obit in regia Sudeley
XXXVI annos nata. Fortasse in lucem edita est Londini anno MDXII.
Quam rex a.d.IV Id. Iul. anno MDXIII in matrimonium duxerat. Qui erat eius maritus tertius,
quorum habuit quattour.
Illa protulit librum "Precationum vel Meditationum" a se ipsa compositum prima regina Anglica.

https://de.wikipedia.org/wiki/Catherine_Parr
https://www.google.de/search?q=parr+cat ... a=X&ved=bi

[Zythophilus]

Cana Britannorum regina est morte perempta:

Filius auritus denique regna tenet.

[Zythophilus]

Corbiniane, peris, Frisingae sancte patrone,

cui portasse ferus dicitur ursus onus.

[marcus03]

Lew Nikolajewitsch Comes Tolstoi scriptor Russicus in luce editur Iasnaiae Polianae ad Tulam sitae.
Decessit a.d. XII Kal. Dec. anno MCMX.
Innotuit operibus, quae BELLUM ET PAX et ANNA KARENINA inscribuntur, scriptor fabularum Romanticarum
et realisticarum.

https://www.google.de/search?q=leo+tols ... &sa=X&ved=

Omnes mundum mutare volunt, se ipsum nemo.

[Tiberis]

Sericae gentis moritur tyrannus
qui manu dura populum regebat
civitati nec bene consulebat
esurienti.

Plurimi cives tamen his diebus
mente grata sunt memores Maonis,
nec recordantur famis et laborum,
quorum erat auctor.

[marcus03]

Marcus Annius Verus Caesar, filius Marci Aurelii imperatoris, obit Romae VII annos tantum natus.
Erat unus ex XIII imperatoris liberis, qui anno CLXVI Caesar et successor factus est.
Periit tumore sub altera aure remoto. Pro quo Commodus frater succedit imperator patre mortuo,
qui eodem anno titulo Caesaris affectus erat, quo frater.
Ille magnus philosophus amori tam deditus fuisse videtur quam philosophiae.
Fortasse ille quoque novit amorem esse et philosophiae perfectionem.
cf:

Nunc autem manet fides spes caritas tria haec maior autem his est caritas.

https://www.google.de/search?q=marcus+a ... &sa=X&ved=

[marcus03]

Alicia Frederica Keppel, quae La Favorita appellata est, amica ultima et inclutissima
regis Britannici, Edvardi VII, obit Florentiae.
Nata est prid. Id. Oct. anno MDCCCLXIX in quadam regia ad Glascoviam sita.
Quae proavia est illius Camillae, quae his diebus uxor regia Carolo III regnante incipiente facta est.

https://www.google.de/search?q=Alice+Fr ... &sa=X&ved=

https://de.wikipedia.org/wiki/Alice_Keppel

[Zythophilus]

Vincitur ad Zentam Turcarum exercitus ingens:

Gloria uictori sic datur Eugenio.

[Tiberis]

Dira clades terret Americanos:
Corruunt turres gemino impetu ictae.
Labefactata est populi perennis
gloria magni.

[Zythophilus]

Aduolauerunt liquidas per auras
ferreis alis homines scelesti,
ut duae turres caderent in urbe,

edita tecta.

Deinde ui fractae cecidere turres,
tecta mirato ruere orbe celsa,
et necat caedes hominum et ruina

milia multa.

[Zythophilus]

Ducit Vindobonam rex agmina prompta Ioannes

alatique equites arma parata ferunt.

Victus ab his cedit Turcarum exercitus ingens,

moenia qui telis alta cecidit atrox.