de Latinitate equina sive equestri ;)

[Zythophilus]

Quadrupedesne cibis nutrit Scoparius aegros?

Hunc nutrire uirum uix sua membra puto.

[ille ego qui]

heu te malignum!
velim tandem aliquando caliginem mihi discutias, ne quando lacrimas mihi excutias ...

[Zythophilus]

En, age, perscruta lepidis fora dedita nugis:

Nomenque inuenies inueniesque uirum.

[Zythophilus]

Quaedam salsa uiro quaesito metra dicata,

quisque sit is, nugas noueris ecce legens.

[Zythophilus]

Dormisne, Christiane? Surge! Responde!

[consus]

Quattuor ante annis huc carmina misit equina

Zythophilus: foedo plena fuere fimo.

[Medicus domesticus]

Puto "nugnas" esse novum verbum Latinum in carmine tuo...o Zythophile...

[marcus03]

Novum verbum propono:
nugnare=in nugis nare

Nugnantes fuerint ii, quorum mentes nugis abundent. Et Zythophiliani appellentur.

[consus]

... "nugnas" ...

Hercle! "Qui sine peccato est vestrum..."

Quid mirum? Celeri stilo manuque
Qui texit numeros tot expolitos,
Non raro vitio vacillat ictus.

[marcus03]

... "nugnas" ...

Hercle! "Qui sine peccato est vestrum...i]

Non de lapide mittendo, sed de pulchro hexametro "servando" agi puto.
Digitus in scribendo lapsus nemini probrio vertatur.

[Zythophilus]

Interdum citior digitis scribentibus est mens,

et post, cum legimus, menda uidenda latent.

[Zythophilus]

Quid tunc dixerimus, iam non reminisceris, eheu,

cum flueret dulcis nocte ineunte latex.

Adfuit – heus! – Fautor, Scoparius adfuit illa

nocte, senex sedit pocula Victor amans.

Tum paucos calices poturus Alesius intrat,

nec precibus posthac rus retinetur iens.

Quid reminisceris, cum mense reuerteris, inquam,

Septembri? Poterunt cuncta referre tibi.

[ille ego qui]

quaecumque versibus lepidissimis complexus es, memineram - non tamen id ad quod sedulo alludere videris

[Zythophilus]

Cum reuocaretur, sociosque reliquit amicus

et calices, ut equas posset adire, miser.

[Zythophilus]

Vnusquisque: „Mane potaque“, rogabat, „Alesi!

Ne proficiscere eo, stercus ubi male olet!“,

sed se proripuit foetensque petiuit equile,

ut daret in medio stercore pabulum equis.