de Latinitate equina sive equestri ;)

[ille ego qui]

salvete sodales,

cum novas res video, non possum, quin nomina eorum Latina quaeram ... quod autem equo vehi discere modo coepi (hodie autem "sessio" erat altera), quid inter haec interesset vocabula indagabam: capistrum, lorum, habena, frenum ...

en id calceorum genus, quod "Chaps" appellatur:


nonne Latine sunt "cernui" ("gamaschen")?

- adhuc tamen dubito, quomodo TRENSE Latine reddatur (quam rem aetate Romanorum constat fuisse, ecce enim: http://de.wikipedia.org/wiki/Trense)

- num ea res, quae nunc LONGE vocatur, antiquitus iam fuerit, nescio. tamen quaero, quomodo Latine reddi possit!

bene valete

[ille ego qui]

longe = funis?

[Zythophilus]

Mirare, sodalis, nam translatore googlico usus aliquid utile inueni: "Trense" frenum.

[consus]

Salve, Ille!
Nescio an tibi hi placeant libri:

Commenii Orbis sensualium pictus:http://digi.ub.uni-heidelberg.de/diglit/comenius1698/0172/image?sid=edbfe880c9cbd2ce60f627ffc55ef9a7, p. 170sq.

et

J. E. Gailer, Neuer orbis pictus für die Jugend: http://digital.ub.uni-duesseldorf.de/ihd/content/pageview/2291718, p. 312sq.

...en id calceorum genus, quod "Chaps" appellatur...

Forsitan uti nobis liceat voce ocreae. Cf. Georges et L&S s.v.

Multos constat in rete libros exhiberi veteres Latine scriptos. Quid ergo mirum, si etiam hunc reperimus librum, qui ad artem equitandi pertinet? Joannis Melchioris Maderi Equestria sive de arte equitandi libri duo (http://gdz.sub.uni-goettingen.de/dms/load/img/?PPN=PPN739714279&IDDOC=1224110).

Vale. Utinam ne equus te decutiat!

[ille ego qui]

gratias tibi ago, mi Conse

orbes illos pictos quam primum inspicere sententia mihi iam stabat. quod tamen his diebus non licet, quod domi parentum moror a libris meis nimis longe, eheu, remotus quo gratius istos nexus accepisse!
maximas gratias ago pro verbis salivarii atque ocreae (cuius paene oblitus eram) frenique

[ille ego qui]

hoc quoque lexicon olim a Laptopio nostro optimo iure commendatum (quod tum statim mihi comparavi) haud inutile mihi erat Latinitatem equestrem cognoscenti

viewtopic.php?f=23&t=38646&hilit=altert%C3%BCmer

[Zythophilus]

Vindobonam uenies hominemque uidebis, amice,

quem te quadrupedes pascere nosse puto.

En, ideo quaeris de rebus equestribus, ut tunc

de grege, qui male olet, dicere cuncta queas.

[ille ego qui]

eheu, caligo, mi Martine! quis homo tibi ante oculos versatur?
res autem eo difficilior est, quod haec tua sententia ambigua est:

quem te quadrupedes pascere nosse puto.

= qui, ut puto, te quadrupedes pascere novit

= quem, ut puto, quadrupedes pascere novisti

[Zythophilus]

Tune pascis equos?
Scisne hominem Vindobonae - uel potius prope Vindobonam - habitantem, qui equos pascit?

[ille ego qui]

nullius equidem memini ...

[Zythophilus]

Cum eo locutus es. Ne quid falsi putes, me eum non esse scito.

[ille ego qui]

vae! enecas! minime video, quo tendas ...
praeter te, Scoparium, Fautorem, Alesium nullius memini

[Zythophilus]

Ex his, quos modo enumerasti, tribus unus est.

[Zythophilus]

Post aliquot calices, quem dico, debuit ire,

utque daret faenum, rus properauit, equis.

[ille ego qui]

Post aliquot calices, quem dico, debuit ire,

utque daret faenum, rus properauit, equis.

dicisne Scoparium? nihil memini