De voce Francogallica Louvre

[consus]

Consus Francogallo ceterisque amicis pariter omnibus sal.
Nuper cum Lutetiae essem Parisiorum, ingens illud quoque visitavi aedificium, cui nomen est Louvre. Nescio quomodo subito inter collegas quaestio de illius nominis orta est origine. Sunt qui vocem Louvre ductam esse putent a Lupara: res incerta sane videtur esse; nam ductrix nostra Francogalla, mulier doctissima, nescire se fatebatur. Vos quid sentitis, amici?
Valete. Pr. Id. Feb. Ex Rhenania his diebus bacchabunda.

[Francogallus]

Salve.
Nomen latinum hujus musei est "Luparum", sive Museum Lupariense.
Nosmet saepe de illo museo loquimur in convetionibus circulis latini lutetiensis.
Adest symbola apud Vicipaediam, nomine "Museum Lupariense".

In Francogallia sunt nonnulae urbes quae Francogallice vocantur "Louvre" sive "Louvres", latine autem "Lupara", sive "Luparum".

vide
:
http://books.google.fr/books?id=uK0AAAA ... um&f=false

[consus]

Gratias tibi ago, amice, pro re explicata. Quod vero ad globulos attinet, me scito distrahi cogitatione.