de sermone Latino cottidiano

[Cassandra]

cetera res expediet

@ Tiberis:
tibi caecus credo

[Medicus domesticus]

Medicus huius fori Latini Cassandrae sermonem Latinum amanti salutem dicit plurimam!

Gaudeo te advenisse hoc loco. Spero sodales Latinos huius fori tibi responsuros ...et tu Latine scribere exercereque (et fortasse loqui ) coepis. Est etiam forum, quod "aenigmata" appellatur, quo aenigmata in Latinum conversa ponuntur.

Optime vale et feliciter

[Tiberis]

salve, Cassandra !
gratulor tibi de novo themate proposito! de sermone cottidiano - euge! ergo te hortamur, ut, quidquid tibi in mentem venit - si modo ad sermonem cottidianum pertinet - , libere et expedite scribas. libenter menda tua, si velis, corrigemus, ut tempore quam brevissimo multum in Latine scribendo proficias.
bene vale !

[Cassandra]

Gratia pro verbarum
Insula venio in frigida auqua
ago aliquantum. officīna et labor
autem habeo tempus
narro vello vos ab nomen.
Enim Cassandra ex greace "mystologie" est

[Laptop]

Quoad scio, nil nisi formam pluralem verbi "gratia" in "gratias agere" licet dicere. Item, accusativo uti debes: possis dicere "gratias ago tibi pro ..." (cum verbo agere), sed non "gratia pro ...".

Gratias vobis ago pro verbis vestris. In insula Britannia habito, ubi aquae sunt frigidae. Laboro paululum in officīna mea. Sed mihi satis temporis est. Vobis narrare volo de nomine meo. Nomen Cassandra enim originem ducit ab mythis Graecis.

[Tiberis]

In insula Britannia habito, ubi aquae sunt frigidae

cur, amice, putas Cassandram nostram in Britannia habitare ? nonne multo potius suspicari nos oportet eam , quae ad Latine scribendum veluti in aquam frigidam se praecipitaverit, insulam mediis in fluctibus sitam invenisse, id est consilium eam cepisse Latine scribere ?

Quoad scio, nil nisi formam pluralem verbi "gratia" in "gratias agere" licet dicere. Item, accusativo uti debes

pro "gratias tibi ago" etiam "gratia tibi" (scil. sit) dici licet, cf. Ov.Trist.IV,10,117 et al.

[Medicus domesticus]

Salve Cassandra,

Gaudeo te Latine scribere coepisse! Difficile est Latine scribere, quia non discitur in schola Latine scribere. Spero te non desperare salutem!

---> Fabricando fabri fimus

Medicus Cassandrae s.d.p.

[consus]

Laeta canit virgo Priameia verba salutis

commovet atque sonis ferrea corda suis.

[Medicus domesticus]

Poeta non sum... Cassandra scripsit "de sermone Latino cottidiano". Igitur scribo et scribam Linguam Latinam plebis Romanae. Fortasse rogabo Petronium Arbitrum, qui profecto novit quomodo Romani collocuti sint...

Optime vale

[Zythophilus]

Lingua Latina uiget per te, Cassandra, loquentem.

Vsu diffugient menda librisque bonis.

[consus]

Consus Cassandrae sal.
Cassandra Priami regis Troianorum filia, ut scis, tam nobilis est virgo, ut digna sit, quae etiam versibus honoretur. Petronius quoque ille Arbiter, quem Medicus noster Domesticus memorat, camina operi suo inseruit; versibus enim sermo qui dicitur cotidianus condítur.
Nunc age: dic nobis quaeso, quis sis, ubi vivas, quae res maxime tibi placeant...
Vale.

[Cassandra]

Mihi opus est liqua re multum tempus scribo

Cassandra Priami regis Troianorum filia, ut scis, tam nobilis est virgo, ut digna sit, quae etiam versibus honoretur

iustus

Autem Cassandra amucula ab apollum erat. Apollo vos dotem augurium lagibat. Autem Cassandra non amabat Apollum. Apollo Cassandrae dastrabat. Nemo Cassandrae augurium ducebat. Ergo Troja expugnabat...

[Medicus domesticus]

Salve Cassandra,

Latine scripsisti, sed - pro dolor - non intellexi nonnullam partem verborum tuorum mendis impletorum.
Spero te grammaticam Latinam verbaque cognituram esse.

Medicus tibi s.p.d.
et ut supra scripsi : Fabricando fabri fimus

[Cassandra]

legere non iam difficilis sentio, autem scribere... Ergo exercito scribere