Nugae

[medicus]

laetus ubi otia agit.

Ursus unus ex paucis est, quibus bellum prodest.
Sperandum quidemst illum fame in silva non periturum carentem cibis cauponae.

[mystica]

[medicus]

Hic imago mihi plus placet:
https://upload.wikimedia.org/wikipedia/ ... n_2015.jpg

[Zythophilus]

Est spatiosa domus, calida esca cibique decentes,

Alpini uigiles: Cui bona uita magis?

Nulla est, papa, tibi, sanctissime, causa querendi:

Num prope busta Petri, papa, coactus ades?

[mystica]

.

[mystica]

.

[Tiberis]

Marte in Sarmatica furente terra
non solum maledicitur tyranno
bellum qui intulerit suo vicino,
sed Russis maledicit universis
omnis Hesperia odio incitata.
Nec refert, aliquis negotiator
forte sit locuples tyranni amicus,
an sit musicus inclutus vel actor,
gente dummodo Russica sit ortus.
Cantrix Anna Netrebko grata ubique
nostris quae fuerit modo theatris,
nunc excluditur , ut ferunt, ab illis,
quod damnare negaverit tyrannum.
Saeviturque pari furore in illos,
pridem qui iaceant suo in sepulcro.
Totus sic populus luit tyranni
crimen immerito et scelesta iussa.
Contra non memini pari rigore
nos tractasse aliquando Americanos,
gentibus populisve cum inferebat
praeses, quisquis erat, cruenta bella.

[mystica]

.

[Zythophilus]

Code: Alles auswählen

Dura data in Christum sententia, qui sine culpa est:

Caeditur – heu! – flagris, traditur inde cruci.

[mystica]

.

[marcus03]

sed tu cum ipsis
Christum crucifixisti
et adhuc crucifigis

https://st-paul-josef-regensburg.de/?p=8335&consent=ok

[Zythophilus]

Nauis longa perit tacitis missilibus icta

et classis Scythicae mergitur omne decus.

Horrida militibus servatis arma uorauit

aequor et elatam superat unda ratem.

„Praeses ubi remanes Russorum maxime?“ quaerit

Ponti caerulei squamea turba: „Veni!“

https://bilder.t-online.de/b/92/02/03/2 ... lmeer-.jpg

[Matthaeus]

firma colorato cerasus iam flore nitebat
et turdus vegetos iam dabat ore modos,
aera cum subito rupit ventosus Aprilis
lucifero radios sole tegente suos.
et modo cum crepitu pulsatur grandine tellus
et modo sol medio fortiter imbre micat.
annuus ille quidem dignum se praebet Aprilis
crimina nostra pati: „quod libet, iste facit!“

vos ego, collegae, iubeo salvere, Latini,
neve lues festos turbet iniqua dies.
ecce epulae (paschale sacrum) Bacchusque parantur,
ova domi vario tincta colore latent.

[Zythophilus]

Tradita militibus paschalis uictima duris

nec lapides caesam tres tenuere dies.

Tertia lux uenit: De morte reuertitur ad nos

Chrisitus et huic grates turba fidelis agit.

Cur alius Dominus tibi, Magdalena, uidetur,

credere cum nolis morte carere uirum?

An lacrimis fusis, mulier, tam caeca fuisti,

illius ut facies nota aliena foret?

https://pictures.abebooks.com/inventory/15108963493.jpg

[mystica]

.