Fert fessos homines hominum plenissima rhaeda,
ut repetatur opus uel schola mane uocans.
Si steteris, consta, nec sunt tibi membra mouenda,
nam te nulla capax sella sedere sinit.
Difficile est uacuam sessuro tangere sedem,
atque animam nolunt corpora densa trahi.
Si poteris, fac, uti uicini bracchia uites
neue pedes pedibus stans prope laedat homo.
Cumque tuae rhaedam stationi accedere sentis,
tempere per turbam ui facienda uia est.
https://i.ds.at/yjjolw/rs:fill:930:0/pl ... 0/corn.jpg