aenigmata

[ille ego qui]

Heus vos, Tiberis, Medice, ceteri! iam sequimini optimum exemplum Mysticae, quae callide rogando ac percontando nonnulla auxilia mihi iam elicuit

[Tiberis]

o Christiane, Christiane..
nimium temporis iam insumpsi in opusculo isto quaerendo. sed inter "magna nomina" eorum, qui saec. XIX valebant, nullum adhuc inveni, qui de aurea aetate* , praesertim Latine, scripsisset. omni labore effuso quid restabit, nisi ut hastam abiciam?

* nempe de aurea quadam aetate agitur?

[ille ego qui]

dicam igitur aperte: de aetate Augusta Latine tractavit.
ne hastas abieceris, Tiberis! potius hac ratione, nisi molestum est, age:
https://www.youtube.com/watch?v=RS7dRzDn6Lk !
Mystica exemplo vobis iam praeiit.

[Tiberis]

illa quidem emissio televisifica (scil. "Quis sum?) olim magnam mihi exhibuit voluptatem.
bene ! secundum illam rationem si licet quaerere, primum hoc est, quod scire velim:
opusculum illud oratione soluta an versibus compositum est?

[ille ego qui]

Gaudeo
totum opusculum soluta oratione est compositum. neque versus alienos ullos inseruit vel pro testimoniis (quantum video).

[Tiberis]

deinde hoc unum tantummodo ex te quaerere ausim, mi amice: scriptorne fabularum fuit, qui opusculum composuit, an alia arte excellebat?

[ille ego qui]

Potius alia arte!

[Tiberis]

εὔρηκα
Nonne Carolus Marx anno MDCCCXXXV in examine maturitatis (!) de principatu Augusti Latine disseruit? O me caecum, qui immemor fuerim huius opusculi, quod mihi non ignotum fuit, licet rem ipsam, quae ibi tractata est, oblitus sim.
obiter:
http://www.latein.at/phpBB/viewtopic.php?t=38978

[ille ego qui]

Rem acu tetigisti, amice! Eugepae!

Haec quidem addam: De opusculo quaesito in foro nostro olim iam actum est - vel potius quaesitum. Nemo enim tum respondit

Ecce! etiam filum illud responsi expers indagasti!

Hic Marcus03 noster de iudicio magistri Cároli Marx:
http://antikewelt.net/phpBB/viewtopic.p ... 65#p284336

Hanc autem symbolam ut inspiciatis, vehementer suadeo:
http://www.pegasus-onlinezeitschrift.de ... elling.pdf
(cum „vivis“ exemplis illius rei, quae „lateinischer Abituraufsatz“ appellatur!!!)

Quid plura? Tiberi nostro gratulor de nodo feliciter soluto! Nunc tuum est, amice, novum aenigma proponere.


Valete!
___________
obiter:

O me caecum, qui immemor fuerim huius opusculi, quod mihi non ignotum fuit, licet rem ipsam, quae ibi tractata est, oblitus sim.

QED
-> viewtopic.php?f=25&t=46676

[Tiberis]

ecce novum:

Est lacus in insula quadam situs, qui nomen a cornice traxisse dicitur. Hic est una atque sola incolarum aquatio. De hac aquatione bello ficticio inquinata scriptor aetatis nostrae illustrissimus in fabula sua novissima narrat.

Nomen lacus?
Nomen insulae?
Nomen scriptoris?
Quae fabula?

[Tiberis]

Nescio an hoc aenigma nimias vobis exhibeat difficultates. Quam ob rem vobis usui fore puto haec:
a) insulam reperietis in mari Mediterraneo.
b) Imus lacus situs est infra maris aequor.
c) Et insulae et capiti eius idem est nomen.

[consus]

Consus Tiberi optimo suo amico s. p. d.
Valde mihi placet hoc aenigma, quod clementer abs te adiutus hoc nunc modo ausim solvere:
Nomen lacus? Vransko jezero / Vrana-See (lacus cornicis / vrana = cornix).
Nomen insulae? Cres.
Nomen scriptoris? Christoph Ransmayr.
Quae fabula? "Der Fallmeister. Eine kurze Geschichte vom Töten."
Cura ut valeas.

https://www.swr.de/swr2/literatur/christoph-ransmayrs-neuer-roman-der-fallmeister-100.html

[Tiberis]

Tiberis Conso, amico suo spectatissimo, s.p.d.

Aenigma quidem, ut est tuus mos, ex omni parte perfectissime solvisti. gratulor!
sed maioris est te rursus in sodalitatem nostram revertisse ! nam credidi te nostra fora iam dudum reliquisse, sive morbo impeditum sive alia causa adductum. quo magis gaudeo te rursus adesse. humanitate tua vix possumus carere!

cura, ut valeas!

[ille ego qui]

Uterque vestrum hunc librum iam perlegit?
Estne legendus?
)

[Tiberis]

Uterque vestrum hunc librum iam perlegit?
Estne legendus?

ex vobis numquam quaesivissem fabulam, nisi eam ipse perlegissem. deinde eam non perlegissem, nisi legenda esset. ceterum censeo omnes fabulas a Christophoro Ransmayr compositas - quarum plurimas perlegi - dignissimas esse, quae legantur! Nemo fere est, qui dubitet, quin Ransmayr unus ex ingeniosissimis nostrae aetatis scriptoribus sit. libenter tibi, si modo tua intererit, plura de eius operibus narrabo.